獅子山上

獅子山上


Me, Crystal, Deric


記得多年前曾經上過獅子山，之但係已經無咩印象。

今日天氣熱熱地，又見天色好似幾好，
於是就逆向行一趟，
由大圍紅梅紅出發，繞道金山郊野公園，
經畢架山，接入戲玉獅子山。

因為一心去獅子道，所以繞左入支路，
由獅子頸徒手爬上獅子頭，
由本來一星既路程變成四星路段，
好彩呢段路唔好長。

上到獅子山巔，傾下偈，睇住個日頭落，
睇住香港燈火萬家，窩打老道車水馬龍，
其實香港真係好繁華架。

發現遠處有兩個女仔影緊相，
我地就影夜景，佢地就影留念相，
傾左兩句，因為順路而佢地又唔太知點落山，
落山去左又一城一齊食意粉屋，
原來佢地住九龍塘架！一個響度教書，一個響度讀書．．．

其實行山，去旅行咩野好，
可以識到朋友真係十分之咁開心！！
不過都仲係覺得自己好廢，男仔來架嘛，
有咩可以主動ｄ，大方的！