獨木舟中級銅章

離上一次玩獨木舟已經有兩個月之久，
雖然對各項既基本技術都掌握得好好，
但係唔知點解，
平衡力完全唔得，唔知關唔關隻艇事，
今次係我好乖咁做好Lock艇動作都Lock唔住，
如果唔係好專注，今日真係翻左十九幾次喇。

其實今日無咩學到新既技術，
主要都係吹下水，講下裝備阿，
講下點樣組織旅程，同埋要注意ｄ咩。
不過都係好鐘意果種一個人坐響海上面既感覺，舒服。

雖然karen份人真係好倚賴，
見到佢阿媽就真係辛苦，成日都要執手尾，
不過或者，因為佢倚賴人，所以至有人俾佢倚賴，
我同Elmo都好樂意幫佢～＊
我都想搵個人俾我倚賴下，只係男仔就真係好難喇。
想搵個會從你既觀點出發去思考的人就真係難難難。

呢個世界係咪好多Waiter既呢？
但我唔願意做一個Wait-er，我唔鐘意等，
特別係唔知要等幾耐既等待，真係好煩厭。
Time ...waits for no one