影相佬

同大力借左支Ｌ鏡，35mm/1.4，
真係唔講得笑，
有好多野真係唔係講技術就得，
如果拎住部１仔＋套紅圈鏡，只是稍為對光學有認識的人，
影攝整整齊齊，公公正正既相係完全唔會有咩問題，
唔知到幾時我會有咁既衝動去買呢？

1.4光圈既威力




其實借鏡既原因係想用來幫小芬哥哥的婚禮影相既，
點知佢本來叫來幫手既朋友甩底（咁都可以甩底？！），
所以我就被迫影左兩百張無聊既大合照，
真係好忟，好彩我ＥＱ高者，唔係可能著左草喇～
最無奈係ｄ公公婆婆係咁叫我影相佬，
應又唔係唔應又唔係咁，唉。
不過聽見老人家好感激咁同我講句多謝哂我幫手，
都值得既。
影過一次就真係好明白，
其實請人來婚來影相，兩條友收你兩千蚊真係唔算貴，
成晚影成六七個鐘，其實ｄ器材剩係問人租阿，都已經五六百拉，
返到去仲要執，我就執左五個鐘喇，
計番時薪，兩千蚊真係無收多你。
不過當然條友要有番咁上下斤兩拉，
好似我呢ｄ就真係唔好請，測光都未測得準阿真係!!